DOI:
Кілтті сөздер
Қазақстан Республикасының дін саласындағы мемлекеттік саясаты, мемлекеттік-конфессиялық және конфессияаралық қатынастар, тұрақтылық, діни тұрақтылықтың сыртқы және ішкі факторлары, ақпараттық-түсіндіру жұмысы, интернет-кеңістіктегі қарсы насихат, оңалту жұмысы.
Мақалада Тәуелсіздік алған сәттен бастап Қазақстан Республикасында мемлекеттік-конфессиялық және конфессияаралық қатынастардың қалыптасуы мен дамуы қарастырылады. Негізгі зерттеу бағыты дін саласындағы тұрақтылық пен орнықтылықты қамтамасыз ету мәселесін, полиэтникалық және поликонфессиялық қоғам жағдайында бейбітшілік пен келісімді қамтамасыз ету үшін елде мемлекеттік саясаттың қалай құрылатынын зерделеуге бағытталған. Әдістеме ретінде нормативтік-құқықтық актілердің, дін саласындағы мемлекеттік саясат материалдарының, әлеуметтік зерттеулер деректерінің мониторингі мен кешенді талдауы пайдаланылады; осының негізінде мемлекеттік саясатты іске асырудың тиімділігіне баға беріледі және болжам жасалады. Жүргізілген зерттеу материалдары мақалада сыртқы және ішкі факторларды ескере отырып, діни қызмет саласындағы проблемалық аспектілерді көрсетуге және оларды жою бойынша шаралар ұсынуға мүмкіндік берді.