Аңдатпа

Мақалада көпмәдениеттіліктің неолибералды моделінің жүйелік дағдарысының бастаулары ашылады. Көпмәдениетті қоғамның неолибералдық жобасының тұжырымдамалық негіздері мен әлеуметтік-саяси технологиялары мәдени әртүрлілікті тану және көтермелеу принципін халықтың азаматтық-саяси, мәдени, рухани бірлігін нығайту императивімен үйлестіре алмайтындығы көрсетілген. Ұлт құрылысы мен этномәдени әртүрлілікті басқарудың жаңа моделін іздеу 2000 жылдардың басында интермәдениеттілік тұжырымдамасының пайда болуына әкелді. Интермәдениеттілікті қазіргі саяси теория мультикультурализм мен ассимиляция саясатының шегі арасындағы үшінші жол ретінде қарастырады. Мақалада интермәдениеттіліктің тәсілдері мен қағидаттары Қазақстан халқы Ассамблеясы нысанында институционалдық бекітіле отырып, Қазақстан Республикасының ұлттық саясатында дәйекті және тиімді жүргізілетіні көрсетілген.