Аңдатпа

Сопылықтағы кемел адам ұғымы рухани, этикалық және философиялық аспектілерді үйлесім тапқан терең де сан қырлы идея. Кемел адам немесе «инсан-и камил» - әрбір ақиқат іздеуші адам ұмтылатын мұрат ретінде қабылданады. Ол жай ғана өзін-өзі танудың шебері емес, илаһи қасиет, сүйіспеншілік пен жанашырлықты бейнелейтін материалдық және рухани дүниелер арасындағы көпір. Бұл мақалада «кемел адам» сөзінің мағынасы жан-жақты түсіндіріліп, «кемел адам» ұғымы нақшбанди тариқат ілімінің призмасы арқылы талданады. Бұл тариқат пайда болғаннан бері әртүрлі әдіс-тәсілдер мен қағидаларды қолдана отырып, өзінің ізбасарларын рухани дамуға шабыттандырды. Нақшбандия тариқасының басқалардан ерекшеленетін басты аспектілерінің бірі – оның руханилық пен күнделікті өмірдің үйлестіре білуінде. Оның бұл касиеті тариқаттың Орталық Азия мен Үндістаннан таралуына ықпал етті, аталған аймақтарда оның ізбасарлары өз елдерінің қоғамдық және саяси өміріне белсенді қатысқан. Біз өз зерттеуімізде рухани кемелдікке жету жолындағы нақшбанди тариқасының әдіснамасын ұсынып, оның діндарлар арасындағы маңыздылығына тоқталып, Қазақстанның интернет кеңістігіндегі нақшбандия тариқатының өздерінің кемелділкке жету тәсілдерін қандай деңгейде насихаттап жатқанын бағалауды көздеп отырмыз