Аңдатпа

Мақалада мәдени және өркениеттік даму контексіндегі ерекшеліктердің мағынасы қарастырылады, сондай-ақ олардың ғылыми және философиялық талқылаулардағы маңызы атап өтіледі. Мақалада Қазақстанның мәдени және өркениеттік ерекшеліктері, оның тарихы мен мәдениетіндегі ұлттық сананы, дүниетаным мен рухани құндылықтарды қалыптастырудағы ықпалы талданады. Одан бөлек ислам мәдениетінің қазақ халқының этно-мәдени сәйкестігіне әсері, табиғи, географиялық және әлеуметтік факторлардың ұзақ уақыт бойы өзара байланысы бағаланады. Зерттеудің негізгі мақсаты — исламның түркі өркениетіне таралуына ықпал еткен мәдени және әлеуметтік факторларды анықтау, сондай-ақ оның қоғамға енуге мүмкіндік тудырған шарттарды зерттеу. Қазақстандық ғалымдардың ислам мәдениетіне қосқан үлесі мен исламдық принциптердің қазақ мәдениетінің тарихи дамуындағы рөлі қарастырылады. Дін мен өркениет, мәдениет пен дін арасындағы күрделі байланыстар ғылыми зерттеу нысаны болғаны айтылған. Қазақ мәдениетінің тарихи дамуын, сондай-ақ әртүрлі өркениетаралық ерекшеліктерді танудың маңызы ерекше атап өтіледі. Зерттеу нәтижесінде өткен дәуірлердің рухани мұрасын қазіргі мәдени контекске енгізу және жаңа парадигмалардың дәстүрлі мәдениетке әсерін талдау қажеттілігі айтылады. Ұсынылып отырған мақалада ислам өркениетінің тұғырлы қағидаттары талқыланады және исламның іргелі идеялары мен құндылықтарының қазақ мәдениеттінің дамуындағы рөлі мен орны зерделенеді.