Аңдатпа

Мақалада Telegram мессенджеріндегі жарияланымдарды сыни дискурстық талдау жүргізудің тұжырымдамалық және әдістемелік негіздері қарастырылады. Telegram платформасының мультимодальділігі, әлсіз модерациясы және пайдаланушылардың анонимділік деңгейінің жоғары болуы оны ерекше цифрлық медиаплатформа ретінде сипаттайды. Telegram саяси коммуникацияда, азаматтық белсенділікте, ақпарат пен дезинформация таратуда кеңінен қолданылады, бұл оны түрлі ғылыми салаларда зерттеудің маңызды нысанына айналдырады. Заманауи зерттеулерге шолу негізінде Telegram-дискурсты зерттеудің негізгі бағыттары анықталады: саяси кампаниялар мен сайлау процестері, әлеуметтік және протестік қозғалыстар, инфодемия, экстремистік және конспирологиялық нарративтердің таралуы. Ерекше назар сыни дискурс-талдау мен ірі деректерді жинау және өңдеудің цифрлық әдістерін, соның ішінде тақырыптық модельдеу мен желілік талдауды үйлестіруге аударылады. Әртүрлі елдерден алынған мысалдар Telegram-ның электоралды процестердегі, протестік мобилизациядағы, радикалды идеяларды таратудағы және цифрлық сәйкестік қалыптастырудағы рөлін көрсетеді. Авторлар Telegram-дискурсты кешенді зерттеуді жалғастыру қазіргі медиа үдерістерді, цифрлық белсенділікті және радикалдану тәуекелдерін тереңірек түсіну үшін маңызды деген қорытындыға келеді.