Аңдатпа

Бұл еңбекте отбасын қорғау және ұрпақ жалғастыру тұрғысында Пайғамбарымыздың хадистерінде және сүннеттерде қандай үгіт-насихат жұмыстары жүргізіліп, отбасы бақытының жалғасуы үшін қандай шаралар қолға алынғанына тоқталып, бұл шаралар нақты мысалдар мен соған байланысты хадистер арқылы талданады. Әдіс ретінде осы тақырыпқа қатысты риуаяттар сахих хадис көздерінен анықталып, бағаланады және бұл мәселеге қатысты тәпсіршілердің пікірлері айтылады. Алла елшісінің отбасын қорғаудағы амалдары мен ұсыныстарының социологиялық, мәдени және діни нәтижелері бүгінгі заманауи ғылым деректерімен салыстырылып, олардың қаншалықты шындыққа жанасатын және шешімге бағытталғаны ашылатын болады.