Аңдатпа

Мақалада поликонфессиялық қоғамдағы исламның диалогтық дискурсының мүмкіндіктері талданады. Бұл әсіресе бүкіл әлемде және Қазақстанда мұсылман діндарларының көбеюі жағдайында өзекті. Қазақстандықтардың көпшілігі өздерін мұсылман деп санайтынына қарамастан, елде конфессиялардың алуан түрлі палитрасы бар, осыған байланысты зайырлы, демократиялық мемлекет этникалық, діни қатыстылығына қарамастан барлық азаматтарының өкілдері үшін тең құқықтарды қамтамасыз ету міндетін өзіне алады. Сондықтан конфессияаралық диалог тек діни өкілдер арасындағы қарым-қатынас туралы ғана емес, ол сондай-ақ қауіпсіз, саналы, толерантты, тұрақты азаматтық қоғам туралы. Бұл жағдайда ислам қазақстандық қоғамдағы басым дін ретінде елдегі конфессияаралық диалог пен тұрақтылықты сақтауға бағытталуы тиіс. Жалпы, конфессияаралық қатынастар саласындағы қоғамдық пікірді және конфессияаралық диалог пен толеранттылықтың мемлекеттік саясатын қолдау деңгейін айқындау мақсатында кезең-кезеңімен жүргізілетін әлеуметтанулық зерттеулер халық тарапынан оң бағалар мен жоғары деңгейді көрсетеді. Соған қарамастан, радикалды исламдық көзқарастардың өкілдері тарапынан да, қазақстандық қоғамның исламофобиялық көзқарасы бар азаматтары тарапынан да интолерантты әңгіме немесе әрекет көрсетілуі мүмкін, бұл мемлекеттің тұрақты дамуына теріс әсер етуі мүмкін. Осыған байланысты, ислами диалогтың дискурсын зерделеу және тарату конфессияаралық саладағы үйлесімді қатынастарды сақтаудың маңызды тетігі болып табылады.